‘एस्फोडेल एसईई कप फुटसल’ मा प्रथम हुने टिमलाई कक्षा ११ मा पुर्ण छात्रवृत्ति
काठमाडौं,१६ जेठ । डिल्लीबजारस्थित एस्फोडेल पब्लिक स्कुलले एसईई फुटसल कपको आयोजना गरेको छ । स्कुलले काठमाडौं एसईई अन्तरविद्यालय फुटसल कप २०८१ को आयोजना गरेको हो । मंगलबारदेखि भेलोसिटी एरिना फुटबल स्कुलमा एसईई फुटसल कप प्रतियोगिता सुरु भएको छ ।
बुधबारसम्म सञ्चालन हुने फुटसल कपको क्यास प्राइज/नगद पुरस्कार ट्रफी र प्रमाणपत्र वितरण गरिने विद्यालयकी उपप्राध्यापक विभा कालिका श्रेष्ठले बताइन् । प्रथम हुने टिमले नगद १६ हजार, द्धितिय हुनेले ८ हजार र तृतिय हुनेले ४ हजार रुपैयाँ पुरस्कार दिइने छ । श्रेष्ठको अनुसार प्रथम हुने टिमले एस्फोडेल पब्लिक स्कुलमा कक्षा ११ मान पुर्ण छात्रवृत्ति पाउने छन् ।
उक्त प्रतियोगिता एसईई दिएर बसेका भाइबहिनीहरुका लागि आयोजना गरिएको हो । “एसईई दिएर बसेका भाइबैनीहरु फ्रि भएर बसेका हुनाले उनीहरुलाई बोरीङ नहोस,खुशी होस्,एक आपसमा मित्रता विकास होस्,भाइचारा कायम होस् र कलेज पढ्नका लागि पनि स्कुलको बारेमा जानकारी गराउन .प्रतियोगिताको आयोजना गरेका हौ ।”–श्रेष्ठले बताइन् ।
