रायमाझीद्धारा नेपाली क्रिकेट टोलीलाई बधाई
काठमाडौं,१७ कात्तिक । राजनितिक विश्लेषक प्रकाश रायमाझीले नेपाली क्रिकेट टोली टी–२० विश्वकप प्रतियोगिताका लागि छनोट भएकामा बधाई दिएका हुन् ।
खेलाडीहरुलाई उदयीमान ताराहरुको संज्ञा दिंदै उनले लेखेका छन्,“आर्थिक अभाव र विभिन्न समस्याहरुको सामना गर्दै अघि बढिरहेको खेलकुद क्षेत्रका उदयीमान ताराहरु संग गर्ब बोध भएको छ ।” लेखक समेत रहेका रायमाझीले नेपाली टोलीको आगामी यात्रामा सफलताको कामना गरेका हुन् ।
उनले खेलाडीहरुको उचित जीवनयापनको व्यवस्थाको घोषणा गर्न समेत सरकारसँग माग गरेका छन् ।
‘नेपाली क्रिकेट टोलीले टी २० विश्वकप प्रतियोगितामा छनौट हुन सफल भएकोमा सर्वप्रथम क्रिकेट टोलीलाई धेरै धेरै बधाई छ एवं शुभकामना दिन चाहन्छु। नेपालीहरूको अन्तर्राष्ट्रिय जगतमा गौरव बढाउने खेलकुद क्षेत्रका सम्पूर्ण खेलाडीहरुका लागीयो खुसीको अवसरमा सरकारले उचित जीवनयापनको व्यवस्थको घोषणा गरोस । साथै आउँदा दिनहरु अझ जोश जागर श्रीवृद्धि होस् खेलकुद क्षेत्रमा भन्ने कामना गर्दछु। आर्थिक अभाव र विभिन्न समस्याहरुको सामना गर्दै अघि बढिरहेको खेलकुद क्षेत्रका उदयीमान ताराहरु संग गर्ब बोध भएको छ। लेखक तथा विश्लेषक : प्रकाश रायमाझी । ’–उनले विज्ञप्तीमा लेखेका छन् ।