३ महिनाको उपचारपछि सांसद भण्डारी आज स्वदेश फर्कदै
0
Shares
काठमाडौं, १७ वैशाख । लामो समयदेखि भारतको नयाँ दिल्लीमा उपचाररत नेपाली कांग्रेसका नेता डा.चन्द्र भण्डारी आज स्वदेश फर्कदै छन् । भण्डारी र उनकी आमा हरिकला गत फागुन ३ गते आफ्नै निवासमा सिलिन्डर विस्फोट भई गम्भीर घाइते भएका थिए । बिस्फोटमा परी भण्डारीको ३० र आमाको ७० प्रतिशत शरिर जलेको थियो ।
सांसद भण्डारी आइतबार दिउँसो २ः५५ बजे नेपाल वायुसेवा निगमको विमानमार्फत आफ्नो देश फर्कदैछन् । उनी साझ ५ बजे काठमाडौं उत्रदैंछन् । उनी भारतको मुम्बईस्थित नेशनल बर्न सेन्टरमा करिब ३ महिनादेखि उपचाररत थिए । उनको स्वास्थ्यमा क्रमिक सुधार आएपछि बाँकी उपचार नेपालबाटै गर्ने गरी स्वदेश ल्याउन लागिएको स्रोतले जनाएको छ ।
अहिले उनी बोल्न र हिड्न सक्ने भएका छन् । भण्डारीको आमाको उपचारको क्रममा किर्तिपुरस्थित बर्न अस्पतालमा मृत्यु भएको हो ।