महिला लिएर होटल पसेका पुरुषको १० मिनेटमै मृत्यु
166
Shares
जनकपुरधाम,११ पुस । सिरहाको मिर्चैया बजारको एक होटलमा पुरुष मृत अवस्थामा भेटिएका छन् ।
बजारको ओखलढुङ्गे गिरी होटलमा महिलासँगै बसेका सिरहाकै कल्याणपुर नगरपालिका–२ का अन्दाजी ४० वर्षीय मुकेशप्रसाद कर्णको आज मृत्यु भएको प्रहरीले जनाएको छ । उनी एक महिला लिएर बुधबार होटल पुगेका थिए ।
प्रहरीको अनुसार होटलको कोठामा पुगेको केहीबेरमै युवकको मृत्यु भएको हो । प्रहरीका अनुसार कोठामा गएको १० मिनेट नबित्दै महिला रुँदै तल आएपछि होटल सञ्चालकसहितले उद्धार गरी नजिकैको स्वास्थ्य संस्थामा लगेका थिए । उनको त्यही मृत्यु भएको प्रहरीले जनाएको छ ।
मृतक कर्णसँग होटल पुगेकी महिलाको पहिचान प्रहरीले खुलाएको छैन । महिलालाई नियन्त्रणमा लिएर अनुसन्धान गरिरहेको छ ।