चाँगुनारायणको विकासको लागि एकजुट हुन मेयर जीवन खत्रीको आव्हान
सुरेन्द्र बहादुर खत्री सिलवाल, भक्तपुर । चाँगुनारायण नगरपालिकाका मेयर जीवन खत्रीले नगरको विकासका लागि एकजुट बन्न आव्हान गरेका छन् । उनले वडा नं १ देखि वडा नं ९ सम्मका वडा अध्यक्ष हरू र वडा सदस्यहरूलाई नगरपालिकाको विकासको लागि एकजुट बन्न आग्रह गरेका हुन् । यसका साथ समाजका सबै तह र तप्काका व्यक्तित्वहरुबाट पनि सहयोग र सल्लाहको आशा व्यक्त गरे ।
नगरपालिका घोषाणा भएको विगतका पाँच वर्षमा विकासको जग बस्न नसकेको भन्दै आफ्नो कार्यकालमा जग बसालेर समृद्ध चाँगु बनाउने दृढता व्यक्त गरे । उनले भने, ‘चाँगुनारायणलाई नमूना नगरपालिका बनाउन सबै एकजुट होऔं ।’
चाँगुनारायण नगरपालिकाको धार्मिक तथा ऐतिहासिक महत्व रहेकोले यस क्षेत्रलाई पर्यटकीय गन्तव्यमा अगाडि पुर्याउन गुरुयोजनासहित लागेको बताए ।
नगरपालिकामा भएको सार्वजनिक यातायातको समस्या प्रति गम्भीर भएको बताए । यातायातको सहज व्यवस्थापनका लागि चाँगुनारायण नगरपालिकाको सार्वजनिक यातायात व्यवस्थापन सम्बन्धि कार्यविधि २०८० तयार गरिरहेको छ खुलाए ।