भारतमा माओवादी महासचिव राव मारिएपछि…
332
Shares
एजेन्सी, ९ जेठ । भारतमा शीर्ष माओवादी नेता नाम्बाला केशव राव मारिएको घटना विश्वभर चासोको विषय बनेको छ । छत्तीसगढमा सुरक्षा कारबाहीमा उनीसहित २७ माओवादी मारिएका हुन् ।
बुधबारको घटनापछि भारतका प्रधानमन्त्री नरेन्द्र मोदी र गृहमन्त्री अमित साहले आतंकवादविरुद्ध ठूलो सफलताका रुपमा लिएका छन् ।
माओवादीको नाम लिएर भारतमा सशस्त्र गतिविधि गर्ने समूहप्रति भाजपा नेतृत्वको सरकार कठोर बन्दै आएको छ ।
चिनियाँ दिवंगत नेता माओत्से तुङको सिद्धान्तबाट प्रेरित भएर विश्वका कतिपय देशमा माओवादी गतिविधि चलिरहेको छ । नेपालमा प्रचण्ड नेतृत्वको माओवादीले सशस्त्र गतिविधि गरेर सत्तामा स्थान बनायो ।
भारतमा भने माओवादीप्रति सरकार कडा बनेपछि अवस्था फरक छ ।