कहिले काँही झुट बोल्दा सम्बन्ध बलियो हुन सक्छ !
काठमाडौं । कहिले काँही झुट बोल्दा पनि सम्बन्ध बलियो हुन सक्छ, यो सुन्दा तपाईलाई पत्यार लागेन होला । केही यस्ता झुट छन् जुन तपाई आफ्नो पार्टनरलाई बिना हिचकिचाहट भन्न सक्नुहुन्छ । अचम्मको कुरा यो हो कि यी झूटहरूले तपाइँको सम्बन्ध बिगार्न सक्दैन,झन यसले सम्बन्ध बलियो बनाउनेछ । तर सर्त यो हो कि यी झुट कहिले बोल्ने भन्ने थाहा चाँही हुनुपर्छ । कुन झुट आफ्नो पार्टनरलाई भन्नमा हानिकारक छैन र तपाईंको सम्बन्धलाई बलियो बनाउन मद्दत गर्न सक्छ त ?
कसैलाई सधैं याद गर्न सम्भव छैन् । यो स्वाभाविक हो कि तपाईं आफ्नो काम वा साथीहरूसँग व्यस्त हुन सक्नुहुन्छ, तर आफ्नो पार्टनरलाई तपाईंले उनीहरूलाई सम्झनु भइरहेको छु भन्ने कुराले तपाईंको पार्टनरको अनुहारमा मुस्कान ल्याउन सक्छ।
यसो गर्नाले तपाईको पार्टनरको तपाईप्रतिको माया गहिरो हुनेछ र उनीहरुले पनि आफ्नो बारेमा राम्रो महसुस गर्नेछन्। यो आवश्यक छैन कि तपाई आफ्नो पार्टनरका सबै साथीहरुलाई मन पराउनुहुन्छ। पार्टनरका साथीहरु मध्ये कोही मन पर्दैनन् भने पनि तपाईंले आफ्नो पार्टनरलाई यो बताउन आवश्यक छैन। तपाईं आफ्ना श्रीमान् वा पार्टनरलाई भन्न सक्नुहुन्छ कि “तपाईंका साथीहरू धेरै राम्रा छन“। त्यसैगरी, आफ्नो पार्टनरको आफन्तको बारेमा सबै कुरा बताउन आवश्यक छैन् ।
यदि तपाइँको पार्टनरले तपाइँको लागि उपहार ल्याएको छ र तपाइँलाई उपहार मनपर्दैन भने पनि तपाइँ अझै पनि उनकै प्रशंसा गर्नुहोस् । तपाइले ल्याएको उपहार धेरै मन पर्यो भन्न नभुल्नु होला । यसले तपाइँको पार्टनरलाई नराम्रो महसुस गराउदैन र उनी खुसी हुन्छन् ।
यदि तपाइँको पार्टनरले तपाइँको लागि खाना पकाएको छ जुन केहि विशेष स्वाद छैन भने पनि सत्य भन्नुको सट्टा, उनले गरेको प्रयासको लागि प्रशंसा गर्नुहोस्। यसले खाना बनाउनेलाई खुसी तुल्याउनेछ ।
तपाइँको पार्टनरले तपाइँलाई हँसाउन वा तपाइँको मुड सुधार्न को लागी एक मजाक भनेको छ वा योजना बनाएको छ, यद्यपि तपाइँ धेरै खुसी वा हाँस्नु भएको छैन। तर आफ्नो पार्टनरको मन राख्न केही समय हाँस्न सकिन्छ । यो झुटो बोल्दा पनि कुनै हानि हुँदैन् ।
तपाईंले आफ्नो पार्टनरबाट कुनै पनि कुरा लुकाउनु हुँदैन, तर तपाईंले आफ्नो विगतको सम्बन्धको बारेमा बताउन आवश्यक छैन् । यसले भविष्यमा तपाईंहरू बीच झगडा निम्त्याउन सक्छ । त्यसैले आफ्नो विगतको प्रेम सम्बन्धको बारेमा आफ्नो पार्टनरलाई नभन्नुहोस्।