जय नेपाल फाउन्डेसनको बृहत् भेटभाट तथा अन्तर सम्बाद कार्यक्रम सम्पन्न
काठमाडौं,१५ मंसिर । जय नेपाल फाउन्डेसन नवलपुरको आयोजनामा कावासोतीमा बृहत् भेटभाट तथा अन्तर सम्बाद कार्यक्रम सम्पन्न भएको छ । जय नेपाल फाउन्डेसन कावासोतीका संयोजक नरेशमणि भण्डारीको सभापतित्व र नेपाली कांग्रेस नवलपुरका उप–सभापति चन्द्रबहादुर रानाको प्रमुख आतिथ्यमा शनिबार सो कार्यक्रम सम्पन्न भएको हो ।
कर्यक्रममा अमेरिकाका निवर्तमान उपाध्यक्ष एवं जयनेपाल फाउन्डेसन इन्टरनेसनलका संस्थापक सदस्य डिलु पराजुली,कांग्रेस नवलपुरका उप–सभापति बालकृष्ण घिमिरे,नेपाली कांग्रेस नवलपुरका सचिव महेन्द्र पोख्रेलले आ–आफ्नो धारणा राख्नु भएको थियो ।
कार्यक्रममा कांग्रेस कावासोतिका नगर सभापति शालिकराम ढकाल,कांग्रेस बौदिकाली गाउँपालिकाका सभापति के.बि राना, ने बि संघ नवलपुरका सभापती हरि सुवेदीलगाएतका उपस्थिति रहेको फाउण्डेसनका केन्द्रीय अध्यक्ष बद्री अर्यालले जानकारी दिए ।