विक्रम पाण्डेलाई भ्रष्टाचारी भनेपछि ठाकुरमोहन श्रेष्ठमाथि आक्रमण
8.5k
Shares
काठमाडौं, २७ फागुन । राष्ट्रिय प्रजातन्त्र पार्टीको बैठक बाहिर पूर्वएआइजी समेत रहेका कार्यसमिति सदस्य ठाकुरमोहन श्रेष्ठमाथि आक्रमण भएको छ । उनलाई पूर्वमन्त्री विक्रम पाण्डेका समर्थकले आक्रमण गरेको बुझिएको छ ।
बैठकमा श्रेष्ठले विक्रम पाण्डेलाई भ्रष्टाचारी भनेका थिए । पार्टीले भ्रष्टाचारीलाई बचाउन लागेको भनेपछि हंगामा भएको थियो । त्यसपछि खाना खाने समयमा श्रेष्ठमाथि आक्रमण भएको थियो ।
बैठकमा आफूलाई श्रेष्ठले भ्रष्टाचारी भनेपछि पाण्डे आक्रोशित हुँदै निस्किएका थिए । विश्वस्त स्रोतका अनुसार उनैले आक्रमणकारीलाई बोलाएका थिए ।
पाण्डेमाथि अख्तियारले भ्रष्टाचारको मुद्दा दायर गरेको थियो । उनी मुद्दा भने जित्न सफल भएका थिए ।