भारतका विदेशमन्त्री जयशंकरसँग नेपाली सांसदको टोलीको भेट
![](https://nepalipen.com/wp-content/uploads/2024/02/parliament-members-team-india-visit.jpg)
नयाँ दिल्ली, १९ माघ । भारतका विदेशमन्त्री एस जयशंकरसँग नेपाली सांसदहरुको टोलीले भेटवार्ता गरेको छ । शुक्रबार नयाँ दिल्लीस्थित विदेश मन्त्रालयमा भएको भेटमा दुई देशबीचको गहिरो सम्बन्ध र निकटताबारे छलफल भएको छ ।
संसदको अन्तर्राष्ट्रिय समितिका सभापति राजकिशोर यादव नेतृत्वको टोलीले गरेको भेटका क्रममा दुई देशबीच बलियो सम्बन्धलाई अझ प्रगाढ बनाउनेबारे छलफल भएको भारतका विदेशमन्त्री जयशंकरले ट्वीट गरेका छन् ।
नेपाली सांसदहरुको टोलीले भारतमा रहँदा महत्वपूर्ण भेटवार्ताहरु गरिरहेको छ ।