उपत्यकाबाट चरेश र खैरो हेरोइनसहित ६ जना पक्राउ

काठमाडौं,१ पुस । अवैध लागूऔषध चरेश र खैरो हेरोइनसहित ६ जना पक्राउ परेका छन् । चन्द्रागिरी नगरपालिका–१२ बलम्बुबाट अवैध लागूऔषध चरेश २५ किलोग्रामसहित २ जनालाई शुक्रबार प्रहरीले पक्राउ गरेको हो ।

पक्राउ पर्नेहरूमा धादिङ गल्छि गाउँपालिका–५ कोइली खर्क बस्ने ५० वर्षीय कान्छा तामाङ र सोही ठाउँ बस्ने ४० वर्षीय भिम बहादुर तामाङ रहेका छन् । लागूऔषध नियन्त्रण व्यूरो कोटेश्वरबाट खटिएको प्रहरीले उनीहरूलाई पक्राउ गरेको हो ।

भक्तपुरको मध्यपुर ठिमी नगरपालिका–४ नयाँ ठिमीबाट अवैध लागूऔषध खैरो हेरोइन ९३ ग्रामसहित ४ जनालाई शनिबार प्रहरीले पक्राउ गरेको छ । पक्राउ पर्नेहरूमा धनुषा कमला नगरपालिका–७ बस्ने ३० वर्षीय सुनिल पासवान, सोही नगरपालिका–१ मण्ग्राहा बस्ने २० वर्षीय अमिन्दर पासवान, भक्तपुर ठिमी नगरपालिका–४ बस्ने ३६ वर्षीय डिकेन्द्र भट्टराई र सोही ठाउँ बस्ने ३१ वर्षीय राम तामाङ रहेका छन् ।

उनीहरूलाई लागूऔषध नियन्त्रण व्यूरो कोटेश्वरबाट खटिएको प्रहरीले उनीहरूलाई उक्त खैरो हेरोइनसहित पक्राउ गरेको हो । उनीहरूले लामो समयदेखि भारतबाट ल्याई अवैध करोबार गर्ने गरेको खुल्न आएको छ ।

यस समबन्धमा प्रहरीले आवश्यक अनुसन्धान गरिरहेको जनाएको छ ।