पूर्वगृहमन्त्री खाँड बयानका लागि प्रहरी नियन्त्रणमा
![](https://nepalipen.com/wp-content/uploads/2023/05/Balkrishna-Khand.jpg)
काठमाडौं, २७ वैशाख । पूर्वगृहमन्त्री बालकृष्ण खाँडलाई नेपाल प्रहरीले नक्कली भुटानी शरणार्थी प्रकरणमा बयानका लागि नियन्त्रणमा लिएको छ । उनलाई प्रहरीले आज बुधवार विहानै मैजुवहालस्थित निवासबाट बयानका लागि नियन्त्रणमा लिएको हो ।
खाँडलाई बयानका लागि काठमाडौं परिसरमा लगिएको पुष्टि भएका छ । उनलाई बयानका लागि डाकिएको हो या पक्राउ नै गरिएको हो स्पष्ट भएको छैन ।
नक्कली भुटानी शरणार्थी प्रकरणमा खाँड र उनकी पत्नी मञ्जु खाँड मुछिएका छन् । उनी गृहमन्त्री हुँदा नक्कली भुटानी शरणार्थीको सूची तयार भएको आरोप छ ।