भारतले नेपालसहित ७ देशलाई चामल निर्यात खोल्यो
0
Shares
काठमाडौं, १ कात्तिक । भारतले नेपालसहित ७ देशलाई चामल निर्यात फुकुवा गरेको छ । यसअघि खाद्य संकट हुनसक्ने भन्दै चामल निर्यातमा प्रतिबन्ध लगाएको थियो ।
नेपालमा ९५ हजार मेट्रिकटन चामल निर्यात फुकुवा गरिएको सूचना जारी गरिएको छ । भारतबाट आयात नहुँदा नेपालमा चामलको मूल्य वृद्धि गर्न थालिएको थियो ।
भारतले क्यामरुन, फिलिपिन्स, आइभोरी कोस्ट, मलेशिया, गिनी र सिसेलीलाई पनि निर्यात फुकुवा गरेको छ । यी देशहरुसँग भारतको प्रगाढ सम्बन्ध छ ।
पछिल्लो समय खाद्यान्न राजनीतिक प्रभाव बनाउने माध्यम बन्न थालेको छ । विशेषगरी अफ्रिकी देशहरुमा खाद्यान्न नै राजनीतिक प्रभावको अस्त्र बनिरहेको छ ।