बसपार्कबाहिरका टिकट काउण्टरको बोर्ड हटाउन सुरु
![](https://nepalipen.com/wp-content/uploads/2023/06/buspark.jpg)
काठमाडौं, १ असार । नयाँ बसपार्कभन्दा बाहिर राखिएका सार्वजनिक यातायातका टिकट काउन्टर हटाउन सुरु गरिएको छ ।
काठमाडौं महानगरपालिकाले आज बिहान बालाजु बसपार्क क्षेत्र वरपरका टिकट काउन्टर हटाउन सुरु गरेको हो । काउन्टर हटाउन नगर प्रहरी र नेपाल प्रहरी पनि परिचालन गरिएको छ ।
जथाभावी टिकट काउन्टरले शहरको सुन्दरता घटाएको, सवारी साधनको चाप बढ्दा ट्राफिक व्यवस्थापनमा पनि कठिनाई भएको, यात्रुहरु ठगिएको भन्दै धेरै गुनासो आएपछि महानगरले बसपार्कबाट मात्र टिकट काट्ने निर्णय गरेको हो । महानगरपालिका भित्रका रिङ रोडमा रहेका टिकट काउण्टरहरुको बोर्ड हटाउने भएको छ ।
बिहीवार महानगरले यस्तो निर्णय गरेको हो । काठमाडौं महानगरपाकिलाका प्रमुख बालेन्द्र साहको उपस्थितिमा वैशाख २९ गते बसेको बैठकले यो निर्णय गरेको हो ।