कर्णाली प्रदेश निर्माण व्यवसायी महासङ्घको पिछडिएको क्षेत्र सदस्यमा शाही निर्वाचित

सुर्खेत । कर्णाली प्रदेश निर्माण व्यवसायी महासंघको ७औँ साधारण सभा तथा तेस्रो अधिवेशनबाट D@D निर्माण सेवाका डाइरेक्टर ध्वज बहादुर शाही पिछडिएको क्षेत्र सदस्य पदमा सर्वसम्मत निर्विरोध निर्वाचित हुनुभएको छ ।

निर्माण व्यवसायीहरूको साझा हित, संस्थागत सुदृढीकरण तथा कर्णाली प्रदेशको निर्माण क्षेत्रको विकासमा सक्रिय भूमिका निर्वाह गर्दै आउनुभएका शाही महासंघको प्रदेश कार्यसमितिमा सबैभन्दा कम उमेरमा निर्वाचित सदस्य बन्न सफल हुनुभएको हो। उहाँको निर्विरोध चयनले युवा निर्माण व्यवसायीहरूमा नयाँ उत्साह थपेको विश्वास गरिएको छ ।

निर्माण व्यवसायीहरूले शाहीको नेतृत्व, सक्रियता र समर्पणले संस्थालाई थप प्रभावकारी बनाउँदै व्यवसायीहरूको हकहित संरक्षण तथा निर्माण क्षेत्रको विकासमा उल्लेखनीय योगदान पुग्ने अपेक्षा व्यक्त गरेका छन् ।

निर्वाचनपछि प्रतिक्रिया दिँदै शाहीले आफूलाई विश्वास गरेर जिम्मेवारी प्रदान गर्ने सम्पूर्ण निर्माण व्यवसायीप्रति आभार व्यक्त गर्दै संस्थाको गरिमा, एकता र व्यवसायीहरूको हितका लागि निष्पक्ष र जिम्मेवार ढंगले काम गर्ने प्रतिबद्धता जनाउनुभयो। D@D निर्माण सेवाका डाइरेक्टर ध्वज बहादुर शाहीलाई हार्दिक बधाई तथा सफल कार्यकालको शुभकामना।