जेन्जी आन्दोलनमा नीजि सम्पत्तिमा आगजनी र लुटपाट गर्ने ८ जना पक्राउ
83
Shares
विराटनगर। जेन्जी आन्दोलनका नाममा सरकारी र व्यक्तीका सम्पत्ती तोडफोड आगजनी र लुटपाटका घटनामा सम्लग्न थप ८ जनालाई मोरङ प्रहरीले पक्राउ गरेको छ ।
भदौ २४ गते रंगेलीमा भएको ‘जेनजी’ प्रदर्शनका क्रममा सरकारी कार्यालयहरूमा तोडफोड तथा आगजनी गरेको घटनामा संलग्न रहेको आरोपमा मोरङ प्रहरीले ८ जनालाई प्रहरीले पक्राउ गरेको हो ।
रङ्गेली नगरपालिका ३ का भुपाल भण्डारी , रंगेली ७ का आनन्द साह, रङ्गेली ४ का रमेश कुमार मण्डल , रंगेली- ३ रुपक गौतम ,रुपेश यादव ,समिर क्षेत्री ,दोर्जे प्रतिक तामाङ र गणपत यादव पक्राउ परेका छन् ।
मोरङ जिल्ला अदालत, विराटनगरबाट ‘आपराधिक उपद्रो’ मुद्दामा पक्राउ पुर्जी जारी भएपछि प्रहरीले उनीहरूको खोजतलास तीव्र पारेको थियो ।