रश्मी बेपत्ता: CEO किन पुगे घरमा ? ल्यापटपको खोजीले उठायो सबैभन्दा ठूलो प्रश्न !
काठमाडौं । सानिमा क्यापिटलकी कम्प्लाइन्स अफिसर रश्मी रिजालको आत्मदाह प्रकरणले अहिले गम्भीर प्रश्नहरू जन्माएको छ। घटनाको अनुसन्धान प्रहरीले गरिरहेको छ। तर सबैभन्दा धेरै चर्चा र शंका एउटा घटनाले जन्माएको छ।
रश्मी बेपत्ता भएको केही घण्टामै कम्पनीका प्रमुख कार्यकारी अधिकृत विकास खनाल आफैं किन उनको घर पुगेरु र उनी किन ल्यापटप र कागजात खोज्न थालेरु
परिवारका अनुसार शुक्रबार बिहान कार्यालय जान भनेर घरबाट निस्किएकी रश्मी कार्यालय पुगिनन्। दिउँसो करिब १ बजे कम्पनीका प्रमुख कार्यकारी अधिकृतले उनी कार्यालय नआएको जानकारी परिवारलाई दिए।
तर त्यसको करिब दुई घण्टापछि, अर्थात् करिब ३ बजे, सीईओ विकास खनालसहित कम्पनीका तीन कर्मचारी रश्मीको घर पुगे।
परिवारको दाबी छ—उनीहरूले प्रहरीले छापा मारेजस्तै शैलीमा घरभित्र ल्यापटप र केही कागजात खोज्न थाले। केही नभेटिएपछि फर्किए। यति मात्रै होइन।
भोलिपल्ट शनिबार बिहान फेरि उही टोली रश्मीको घर पुगेर फेरि ल्यापटप खोज्न थालेको परिवारको आरोप छ।
अब प्रश्न उठ्छ— एक कर्मचारी केही घण्टा सम्पर्कविहीन हुँदा कम्पनीको सबैभन्दा ठूलो चिन्ता उनको सुरक्षा हुनुपर्थ्यो कि ल्यापटप ?
कुन यस्तो कागजात थियो, जसका लागि प्रमुख कार्यकारी अधिकृत आफैं कर्मचारीको घर पुग्नुपर्ने अवस्था आयो ?
के कम्पनीलाई कुनै संवेदनशील जानकारी हराउने डर थियोर ?
वा यो केवल सामान्य कार्यालयीय प्रक्रिया थियो ?
यी प्रश्नहरूको जवाफ अहिले कसैसँग छैन।
पछि शनिबार रश्मी आफ्नै गाडीभित्र मृत अवस्थामा फेला परिन्। प्रहरीले सीसीटीभी फुटेजका आधारमा आत्मदाह भएको पुष्टि गरेको छ। तर आत्मदाहको कारण भने अझै अनुसन्धानकै विषय बनेको छ।
यसैबीच परिवारले सीईओ विकास खनालसहित तीन जनाविरुद्ध किटानी जाहेरी दर्ता गराएको छ। प्रहरी अहिले उनीहरूको भूमिकासहित सम्पूर्ण घटनाक्रमको अनुसन्धान गरिरहेको छ।
घटनापछि सामाजिक सञ्जालमा र केही सञ्चारमाध्यममा सेयर बजारमा घाटा वा बढुवा नपाएको कारण आत्मदाह गरेको भन्ने विभिन्न दाबी सार्वजनिक भए। तर अहिलेसम्म त्यस्ता दाबी पुष्टि गर्ने कुनै आधिकारिक प्रमाण सार्वजनिक भएको छैन।
अहिले सबैभन्दा ठूलो प्रश्न एउटै छ—
रश्मी हराएको केही घण्टामै कम्पनीका उच्च अधिकारीहरू किन उनको घरमा पुगेर ल्यापटप र कागजात खोजिरहेका थिएरु
यदि त्यो सामान्य प्रक्रिया थियो भने त्यसको स्पष्ट आधार के थियोरु
यदि सामान्य थिएन भने त्यसको उद्देश्य के थियोरु
यी सबै प्रश्नको उत्तर अब प्रहरी अनुसन्धानले मात्र दिनेछ।
त्यसैले अहिले कुनै निष्कर्षमा पुग्नु भन्दा पनि निष्पक्ष, प्रमाणमा आधारित र वैज्ञानिक अनुसन्धान आवश्यक छ।
यो घटना केवल एउटा आत्मदाहको घटना मात्र होइन, कार्यस्थलको वातावरण, कर्मचारीमाथिको सम्भावित दबाब र संस्थागत जिम्मेवारीमाथि गम्भीर प्रश्न उठाउने प्रकरण बनेको छ।
