गल्स होस्टेलको वाशरूममा हिडन क्यामेरा,छात्राहरुको भिडियो रेकर्ड गरी बिक्री
काठमाडौं,१७ भदौं । भारतको आन्ध्र प्रदेशको कृष्णा जिल्लाको गुडिवाडामा रहेको एउटा इन्जिनियरिङ कलेजको बालिकाको शौचालयमा लुकेको क्यामेरा भेटिएको खबरले हलचल मच्चिएको छ । गोप्य क्यामराबाट छात्राहरुको भिडियो रेकर्ड गरी बिक्री हुने गरेको बताइएको छ ।
प्रहरीका अनुसार हालसम्म करिब ३ सय फोटो भिडियो लिक भइसकेको छ । यो कुरा तब खुल्यो जब एक विद्यार्थी वाशरूम गए र त्यहाँ केही शंकास्पद भेटिए । छानबिन गर्दा त्यहाँ भिडियो खिच्न क्यामेरा जडान गरिएको पाइएको थियो । त्यसपछि विद्यार्थीले कलेज प्रशासनमा उजुरी गरे ।
अगस्ट १० मा, कर्नाटकको बेंगलुरुबाट यस्तै एउटा घटना प्रकाशमा आएको थियो, जहाँ एउटा कफी शपको वाशरूममा लुकेको क्यामेरा भेटियो। ट्वाइलेट सिट अगाडिको डस्टबिनमा लुकाएर राखिएको थियो ।
यो डिजिटल र हाई टेक क्यामेराको युग हो, जसको प्रयोग यस्ता आपराधिक घटनाहरू गर्नका लागि भइरहेको छ। यस्तो अवस्थामा होटल, क्याफे, मल वा कुनै पनि सार्वजनिक स्थानको वाशरूमको चेन्जिङ रुममा निकै सावधानी अपनाउनुपर्ने हुन्छ ।