मातापिताको हत्या गर्न सुपारी, झुक्किएर पाहुना मारिए
एजेन्सी, ११ वैशाख । छोराले मातापिता र भाईलाई मार्न सुपारी दिन्छन् । सुपारी पाएकाहरु रातको २ बजे घर फोरेर पस्छन् ।
योजना मुताबिक कोठामा पसेर तीनजनाको हत्या गर्छन् । माथिल्लो तल्लामा चिच्याहट सुनेर उक्लिएका युवक पनि मारिन्छन् । यो घटना भारतको कर्नाटकको हो । घटनाबारे छानविन गर्दै जाँदा प्रहरीले रोचक तथ्य पत्ता लगायो ।
घटनामा मारिएका तीनजना उक्त दिन पाहुना लाग्न आएका थिए । उनीहरु घरधनीको कोठामा सुतेका थिए । सुपारी पाएकाले घरधनी सम्झिएर हत्या गरेको थियो ।
प्रकाश बकाले र सुनन्दा बकाले र उनका कान्छा छोरा कार्तिक बकालेको हत्या गर्न सुपारी लिएकाले हदिमानी परिवारका तीन सदस्यको हत्या गरेको थियो । अपराधीले प्रकाश बकालेको पहिलो पत्नीका छोरा विनायक बकालेबाट सुपारी पाएका थिए । उनीहरुले झुक्किएर घरमा पाहुना लाग्न पुगेका हदिमानी परिवारको हत्या गर्यो । हतियार प्रहार गरेपछि चिच्याहट सुनेपछि कार्तिक दौडेर माथिल्लो तल्लामा पुग्दा मारिए ।
घटनामा ८ जना पक्राउ परेपछि प्रहरीले बयानका क्रममा सम्पत्तिको विवादम सुपारी दिएर हत्या गरिएको तथ्य फेला पारेको छ ।