अरुणमा थुनिएको ड्यामबाट ओभरफ्लो, खतरा टरेको हो ?
काठमाडौं, १७ वैशाख । घण्टौंसम्म थुनिएको अरुण नदी ड्याम नाघेर बग्न थालेको छ । तर, खतरा पूर्ण रुपमा टरेको छैन । संखुवासभा जिल्लामा आइतवार खसेको पहिरोले कोशी नदीको सहायक नदी अरुण थुनिएकोमा ओभरफ्लो हुन थालेको हो ।
संखुवासभा जिल्लाका प्रहरी अधिकृत वीरेन्द्र कुमार गोदारले अरुण नदी थुनिएकोमा स्थानीय समय अनुसार अपरान्ह २ बजेर ४० मिनेटमा ओभरफ्लो हुन थालेको छ ।
पहिरोले बनेको ड्याम फुट्ने कम सम्भावना रहेको प्राविधिकको भनाई उदृत गर्दै गोदारले जानकारी दिए । तैपनि तल्लो तटका बासिन्दालाई हाई एलर्ट गरिएको उनले बताए ।
जिल्ला प्रशासन कार्यालयका सूचना अधिकारी बिमल पौडेलका अनुसार पानी जमेको स्थलमा हेलिकोप्टरसहित प्राविधिक टोली पुगेर अध्ययन गरेको छ । टोलीको अध्ययनपछि सुरक्षा सम्बन्धी आवश्यक सूचना प्रवाह गरिएको बताए ।
निर्माणधीन ९०० मेगावाटको अरुण तेस्रो जलविद्युतमा सुख्खा पहिरो खसेर नदी थुनिएको हो । अरुण तेस्रो भारतीय कम्पनी सतलज जलविद्युत निगमले निर्माण गरिरहेको छ ।
