९ श्रावण २०८१, बुधबार | July 24, 2024

गौतम अडानीलाई पछि पार्दै मुकेश अम्बानी बने भारतको सबैभन्दा धनी व्यक्ति


0
Shares

एजेन्सी, ८ चैत्र । हिन्डनबर्गको आरोपका कारण अदानी समूहका प्रमुख गौतम अडानीको सम्पत्तिमा ठूलो कमी आएको छ । एम३एम हुरुन ग्लोबल रिच लिस्टका अनुसार, अदानीले गत वर्षमा हरेक हप्ता ३,००० करोड रूपैयाँको सम्पत्ति गुमाएका छन्, जसले आफ्नो कुल नेट वर्थ ६० प्रतिशतले घटाएको छ।

यससँगै उनीबाट भारतको सबैभन्दा धनी व्यक्तिको उपाधि पनि खोसिएको छ । रिलायन्स इन्डस्ट्रिजका मुकेश अम्बानीलाई सबैभन्दा धनी भारतीयको दर्जा दिइएको छ ।

रिपोर्टका अनुसार अदानी र अम्बानी दुबै विश्व अर्बपतिको वरियतामा तल आएका छन् । अडानी ११ स्थान तल झर्दै विश्वको २३ औं धनी व्यक्ति बनेका छन् भने अम्बानी विश्वको नवौं धनी व्यक्ति हुन् । हाल, अदानीको कुल सम्पत्ति ५३ बिलियन अमेरिकी डलर अनुमान गरिएको छ । योसँगै मार्चको मध्यसम्ममा अम्बानीको कुल सम्पत्ति २० प्रतिशतले घटेर ८२ अर्ब अमेरिकी डलर पुगेको छ ।

मार्चको तथ्याङ्कमा अम्बानी र अडानी दुवैको सम्पत्तिमा कमी आए पनि १० वर्षको परिप्रेक्ष्यमा दुवैले ठूलो वृद्धि देखाएको छ । रिपोर्टका अनुसार अडानीको कुल सम्पत्ति १,२२५ प्रतिशत र अम्बानीको ३५६ प्रतिशतले बढेको छ।

सबै क्षेत्रहरूमा, स्वास्थ्य सेवा क्षेत्रमा सबैभन्दा धनी व्यक्ति पुणेको सीरम इन्स्टिच्युटका साइरस पूनावाला हुन् जसको कुल सम्पत्ति २७ अर्ब अमेरिकी डलर छ। जबकि, बीजु रवीन्द्रन ३.३ बिलियन अमेरिकी डलरको कुल सम्पत्तिका साथ सबैभन्दा धनी शिक्षा उद्यमी हुन्। एशियन पेन्ट्सका अश्विन दानी ७.१ बिलियन अमेरिकी डलरको सम्पत्तिका साथ आफ्नो क्षेत्रमा सबैभन्दा धनी उद्यमी हुन्।

उता, राधा वेम्बु महिला अर्बपतिको सूचीमा शीर्ष स्थानमा छिन् । ४ अर्ब अमेरिकी डलरको कुल सम्पत्ति भएको राधा भेम्बु सफ्टवेयर र सेवा क्षेत्रबाट विश्वकै दोस्रो धनी महिला अर्बपति हुन्।

आन्तरिक राजस्व कार्यालय नेपालगन्ज

प्रतिक्रिया