नापीका कर्मचारी चढेको जीप दुर्घटनामा एकको मृत्यु
664
Shares
काठमाडौं, २३ माघ । सर्लाहीको मलंगवामा गएराति भएको दुर्घटनामा घाइतेमध्ये एकको मृत्यु भएको छ । नापी कार्यालयका कर्मचारी चढेको बीआर ०६ पिडि ९६४८ नम्बरको भारतीय नम्बर प्लेटको सवारी ट्याक्टरमा ठोक्किदा दुर्घटना भएको हो ।
घटनामा मृत्यु हुनेमा नापी कार्यालय मलंगवाका कार्यालय सहयोगी बिनोद घिमिरे छन् । गम्हरियास्थित चमेलिमाई मन्दिर नजिकै घटना भएको हो ।
नापी कार्यालय मलंगवाका प्रमुख सञ्जय मानन्धरसहित ११ जना गाडीमा थिए । उनीहरु विवाह भोजमा सरिक हुन बथहथवातर्फ जाँदै थिए ।
घटनामा घाइते हुनेहरुमा वैद्यनाथ राउत, अजयकुमार यादव, बैजु यादव, रामलाल साह, दिपेन्द्र यादव, रामबाबु रायलगायत छन् ।