इशाई र इस्लाम ‘मिसिनरी’ को तारोमा पृथ्वीनारायण शाह
डा. दीपेश केसीः नेपालमै बसेर शासनसत्ताको मह चाट्नेसम्मले पनि पृथ्वीनारायण शाहले नेपाल एकीकरण हुन्नथियो भन्ने कुतर्क मात्र गर्दैनन् सत्तोसराप गर्छन् । वास्तवमा पृथ्वीनारायण शाहले नेपाल राष्ट्रको एकीकरण मात्र गरेका थिएनन् हिन्दुत्वको विचारधारालाई नेपालभित्र र बाहिरसम्म फैलाउन सफल भएका थिए । कुनैपनि राजनीतिक कदम चाल्न विचारधारा अनिवार्य हुन्छ । पृथ्वीनारायण शाह हिन्दुत्व विचारधाराका थिए । गोरखपुरस्थित गोरखनाथ मठका मठाधीशका प्रीय चेला थिए । उनको एकीकरण अभियानका मुख्य रणनीतिकार नाथ समुदायका गुरु भगवन्तनाथ नै थिए ।
भारतवर्षमा इस्लाम र पछि इशाईहरुले आधिपत्य जमाएका थिए । इस्लाम अतिक्रमणकारीबाट थिलथिलो पारिएका भारतका कतिपय राज्यहरु पछि इशाईहरुको आक्रमणमा परे । इशाई अंग्रेजहरुले उपनिवेश बनाए । हिन्दुहरुको राज्य नै बाँकी नहुने भयो । पृथ्वीनारायण शाहले नेपाल एकीकरण गरेर हिन्दुराष्ट्रको अस्तित्व जोगाए ।
विश्वमा सबै हिन्दुराष्ट्र पराधीन भए । कसैको अस्तित्व रहेन राष्ट्रका रुपमा । तर, पृथ्वीनारायण शाहले सुरवीर र बौद्धिक क्षमताका माध्यमले नेपाल एकीकरण गरे । उनले इशाई पादरीहरुको नेपालबाट हिन्दु धर्म सिध्याउने र उपनिवेशको आधार तयार गर्ने योजना विफल पारिदिए । पादरीहरु लखेटिए ।
नेपाललाई कसैको पराधीन हुन नदिन पृथ्वीनारायण शाहले एकीकरण गरेका थिए । पृथ्वीनारायण शाहले इस्लाम आक्रमणकारीलाई नेपाल प्रवेश गर्न खोज्दा धुलो चटाएका थिए । भारतमा आक्रमण गरेर आधिपत्य जमाउन सफल भएको इशाईहरुलाई पनि नेपाल छिर्न रोकेका थिए । अंग्रेजहरु नेपाल छिर्न खोज्दा पराजित भई दक्षिणको समथर भूभागमै रोकिए ।
गोरखपुरमा अवस्थित गोरखनाथ मठका गुरुका उत्कृष्ट चेला थिए पृथ्वीनारायण शाह । विद्धान र सुरवीर भएकाले पनि उनलाई हिन्दु धर्मगुरुहरुको साथ थियो ।
विश्वभर हिन्दुराज्यहरु इस्लाम र इशाई आक्रमणकारीहरुबाट पराजित हुँदा पृथ्वीनारायण शाहले नेपाललाई उपनिवेश हुनबाट जोगाएका थिए । यसकारण पनि नेपाल पवित्र हिन्दुराज्यका रुपमा पुजियो । पृथ्वीनारायण शाहले नेपाललाई असली हिन्दुस्तान भनेका छन् । यसको अर्थ नेपालनै हिन्दुहरुको पवित्र भूमि हो र यो हिन्दुभूमिलाई कसैले हडप्न नसकेको भन्ने पनि हो ।
पृथ्वीनारायण शाह इशाई र इस्लाम अतिवादीको तारोमा त्यतिबेला पनि परे । अहिले पनि उनलाई इशाई र इस्लामहरुले दुश्मन नै सम्झन्छन् । यसको मुख्य कारण नेपालमा सांस्कृतिक अतिक्रमण गर्न पृथ्वीनारायण शाहले रोकेनन् मात्र हुन नदिने बलियो जग समेत तयार गरेर गए । उनको नाम पनि सुन्न चाहँदैनन् त्यस्ता अतिवादीहरु ।
पृथ्वीनारायण शाहले हिन्दुत्वको विचारधारा समातेर नेपाल एकीकरण नगरेको भए नेपाल उपनिवेश त हुन्थ्यो नै यहाँको संस्कृति नै लोप बनाउन सफल हुन्थे ।
इस्लाम आक्रमणकारीले अफगानिस्तान र त्यसवरपरका कतिपय देशहरुमा सांस्कृतिक र धार्मिक अतिक्रमण गरेका थिए । इशाईहरुले त उत्तर र दक्षिण अमेरिकामा करोडौंको हत्या गरी सांस्कृतिक अतिक्रमण समेत गरेका थिए । एशियाका कतिपय देशमा पनि सांस्कृतिक अतिक्रमण गरे । उपनिवेश खडा गरे । त्यो नेपालमा हुन पाएन पृथ्वीनारायण शाहको कारण ।