शान्ति श्रीस मगरको ‘जाम हिँड साइँली’
काठमाडौं, २३ मंसिर । लोकप्रिय गायिका शान्ति श्रीस मगरको म्युजिक भिडियो ‘जाम हिँड साइँली’ सार्वजनिक भएको छ । शुक्रवार राजधानीको अनामनगरमा आयोजित कार्यक्रममा उनकै युुटुब च्यानलमार्फत उक्त भिडियो सार्वजनिक गरिएको हो । ‘जाम हिँड साइँली यो बाटो जहाँ जाला…, लैजाऊ न साइँला यो बाटो जहाँ जाला…’ बोलमा सजिएको गीतमा गायक स्वरुपराज आचार्य र गायिका शान्ति श्रीस मगरले स्वर दिएकी छिन् ।
सुरेश रानामगरको शब्द÷संगीत, आकाश विनोद विमलको रेकडिङ, किस्मत स्टुडियोको संगीत संयोजन÷ध्वनी मिश्रण तथा विमला तामाङको सिंगार रहेको सो म्युजिक भिडियोको छायांकन नवराज उप्रेतीले गरेका छन् । अभिनयमा गौरव पहारी, रजनी गुरुङ, गौरव मगर र अञ्जु गुरुङलगायतका कलाकार छन् । भिडियोमा विशाल घिमिरेले सह–निर्देशन, मनोज कार्कीले रंग सम्पादन गरेका छन्।
भने कथा, नृत्य र निर्देशन मौसम हिमालीको रहेको छ । ‘यो म्युजिक भिडियो ग्रामीण भेगको विपन्न परिवारमा हुने गरेका वास्तविक घटनामा आधरित यथार्थपरक छ’ गायिका शान्तिले भनिन्, ‘अहिलेसम्म पाएको सद्भाव–माया हेर्दा यसले पनि सफलता पाउनेमा ढुक्क छु ।’