रणवीर कपूरलाई देखेर फ्यान पागल भएपछि…
एजेन्सी । बलिउडका हेन्डसम अभिनेता रणवीर कपूर आफ्नो फिल्म तू झुठी मैं मक्करका लागि चर्चामा छन्। अहिले उनी आफ्नो फिल्मको प्रचारप्रसारमा व्यस्त छन् । यसैबीच, रणवीरको यस्तो भिडियो सार्वजनिक भएको छ, जसमा एक युवतीले रणवीरसँग सेल्फी लिन्छिन् र गाला छुन खोज्छिन् ।
रणवीर कपुरको यो भिडियो इन्टरनेटमा तिब्र रुपमा भाइरल भइरहेको छ । यो भिडियो रणवीर कपुरको फ्यान पेजमा शेयर गरिएको छ, जसमा रणवीर आफ्ना फ्यानले घेरिएको देख्न सकिन्छ । त्यसपछि त्यहाँ एक युवती आइन् र रणवीर कपुरसँग सेल्फी लिन अनुरोध गरिन् । अभिनेताले पनि सहजै सेल्फी खिच्न पोज दिन्छन्, तर रणवीर कपूर पर सर्न थाल्छन्, त्यसपछि केटीले उनको गाला छुने प्रयास गर्छिन् र ठूलो स्वरमा आई लभ यू भन्न थाल्छिन् र उनलाई रोक्न खोज्छिन्। तर, रणबीर कपूर हाँस्छन् र धन्यवाद भन्छन् र त्यहाँबाट निस्कन अगाडि बढ्छन्।