कुलमानको नेता शैली
581
Shares
काठमाडौं, २२ चैत्र । नेपाल विद्युत प्राधिकरणको कार्यकारी निर्देशकबाट हटाइएका कुलमान घिसिङले राजनीतिक नेताको शैली देखाएका छन् । उनले शुक्रबार पत्रकार सम्मेलन गरी आफू राजनीतिमा लाग्ने संकेत पनि गरे ।
उनले राष्ट्र निर्माणमा आवश्यक ठाउँमा योगदान दिन तयार रहेको पनि बताए । प्राधिकरणलाई नाफामा लाने देखि लोडसेडिङ अन्त गर्न योगदान गरेको उनको भनाई थियो ।
कुलमानले आफूलाई कमजोर बनाउने गतिविधिबाट सतर्क र सजग भएको बताए । उनलाई हटाउने सरकारको निर्णयमा अदालतले अन्तरिम आदेश जारी नगरेपछि पुनः प्राधिकरणमा फर्कने सम्भावना कमजोर भएको छ । योसँगै उनले पत्रकार सम्मेलन गर्नुलाई अर्थपूर्ण मानिएको छ ।
कुलमान राजनीतिमा लागेमा माओवादीबाट चुनाव लड्ने चर्चा छ । उनले बौद्ध क्षेत्रबाट चुनाव लड्ने तयारी गरिरहेको बुझिएको छ ।