बिनिता अधिकारीको नेतृत्वमा ४० सदस्यीय ‘ग्लोबल महिला नेटवर्क’को घोषणा
काठमाडौं,१७ फागुन । जय नेपाल इन्टरनेशनल फाउन्डेशनको वेबिनारमार्फत ग्लोबल महिला नेटवर्कको घोषणा भएको छ । नेपाली काँग्रेस केन्द्रीय सह–महामन्त्री तथा पूर्व मन्त्री महालक्ष्मी उपाध्याय (डिना) को प्रमुख आतिथ्यतामा शुक्रबार आयोजित कार्यक्रममा विनीता अधिकारीको अध्यक्षतामा गठित ४० सदस्यीय विश्व महिला संजालको घोषणा गरिएको हो । समितिमा २० भन्दा बढी देशबाट जुझारु र जोशिला महिलाहरू जोडिएका छन्।
नवगठित कार्यसमितिको अध्यक्षमा विनीता अधिकारी, महासचिवमा प्रतिज्ञा अधिकारी, तथा सदस्यहरूमा लक्ष्मी खरेल, उर्मिला कँडेल जोशी, निर्मला खड्का, अर्पना खड्का, निर्मला फुलारा ठाकुर, सिता अर्याल, अनु थापा, अप्साना कँडेल, भावना खनाल अर्याल, बिन्दु दुलाल, दीपा सिवाकोटी, दुर्गा तिवारी, ललिता शाह, लेमु दाहाल, निर्मला सुर्खाली, पुष्पा पोख्रेल, सरिता न्यौपाने, रामकुमारी दराल, रश्मिता कार्की, सचिना बानिया, सपना खाया, सरस्वती ओली, श्रद्धा अधिकारी, सिता खुलाल मगर, तारा खड्का मिश्र, जयकला राई, गीता रेउले, ज्योत्स्ना अधिकारी, गंगा कँडेल, मीनमाया खरेल, सुनिता कँडेल लामिछाने, निर्मला परियार, प्रिन्सेस खरेल, जेनिसा उप्रेती, पविता देवकोटा रेग्मी, लक्ष्मी खड्का खत्री, इन्दिरा बराल, स्मृति कार्की र रिता गुरुङ रहेका छन्।
कार्यक्रममा बोल्दै प्रमुख अतिथि नेपाली काँग्रेस केन्द्रीय सह–महामन्त्री तथा पूर्व मन्त्री महालक्ष्मी उपाध्याय (डिना) ले जय नेपाल इन्टरनेशनल फाउन्डेशनको स्थापना देखि नै आफूले बुझिरहेको र आगामी दिनमा गठित महिला नेटवर्कसँगै कार्य गर्न तत्पर रहेको बताउनु भयो।
कार्यक्रममा प्रतिनिधि सभा सदस्य तथा नेपाली काँग्रेसकी केन्द्रीय सदस्य सरिता प्रसाईँ, नेपाली काँग्रेसकी केन्द्रीय सदस्य लक्ष्मी खतिवडा, जय नेपाल फाउन्डेशन नेपालका अध्यक्ष बद्री अर्याल, ग्लोबल युथ नेटवर्कका अध्यक्ष मदनराज पौडेल तथा महासचिव नवराज न्यौपाने, ग्लोबल मिडिया नेटवर्कका संयोजक भगीरथ योगी, गैर आवासीय नेपाली संघ राष्ट्रिय समन्वय परिषद अमेरिकाका पूर्व उपाध्यक्ष दिलु पराजुली, गैर आवासीय नेपाली संघ राष्ट्रिय समन्वय परिषद अमेरिकाका युवा–उपाध्यक्ष तथा ग्लोबल युथ नेटवर्कका सदस्य अनुप खनालले नवगठित समितिलाई बधाई तथा शुभकामना प्रदान गर्नु भएको थियो।
कार्यक्रमका सभापति तथा जय नेपाल इन्टरनेशनल फाउन्डेशनका केन्द्रीय अध्यक्ष डा. यादव पण्डितले यो संस्था सबैसँग मिलेर काम गर्नको लागि स्थापना गरिएको र सबै संस्थाको सहयोगी संस्था रहेको बताउनु भयो।
