सुन तस्करीको नेटवर्कमा माओवादी नेताहरुको कनेक्सन
काठमाडौं, २१ चैत्र । सुन तस्करीमा माओवादी नेताहरुको कनेक्सन देखिएको छ । विगतमा भएका सुन तस्करीमा माओवादी नेता र उनीहरुका सन्तान संलग्न भएका तथ्यहरु खुलेका थिए । यसपटक २५ करोड नेपाली रुपैयाँ बराबरको विदेशी मुद्रा ट्रकमा भेटिएको घटनामा पनि माओवादी नेताहरुको कनेक्सन भेटिएको हो ।
सुन तस्करीसँग जोडिएको उक्त रकमबारे अनुसन्धान बढाउँदै जाँदा सिन्धुपाल्चोकका माओवादी नेता नारायण पौडेल तानिएका छन् । उनी बरामद भएको २५ करोड बराबरको विदेशी मुद्राका मालिक रहेको प्रहरीले पत्ता लगाएको छ । पौडेलका सहोदर भाइ राजकुमार पौडेल भोटेकोशी गाउँपालिका अध्यक्षमा २०७४ सालमा निर्वाचित भएका थिए । राजकुमार १५ किलो सुन तस्करीका आरोपी थिए ।
सुन तस्करी, हुण्डी, विदेशी मुद्रा, रक्तचन्दन तस्करीमा पौडेल परिवार नै जोडिएको खुलेको छ । आपराधिक कार्यलाई बढाउन पति उनीहरु माओवादीमा सक्रिय भएका हुन् । सिन्धुपाल्चोकमा माओवादीको प्रभाव ।
चैत्र ४ मा सिन्धुपाल्चोकका कुसाङ लामा २५ करोड बराबरको यूरो र डलरसहित टोखाको झोरबाट पक्राउ परेका थिए । उनी उक्त रकम ट्रकमा फल्स बटम बनाएर रसुवागढीतर्फ लादै थिए ।
माओवादी नेता वर्षमान पुनसँग सुन तस्करीमा संलग्न चिनियाँ नागरिकहरुको हिमचिम पत्ता लागेको थियो । कतिपय माओवादी नेताहरुको सन्तान नै सुन तस्करीसँग जोडिएको तथ्य खुलेको थियो ।