पृथ्वी जयन्ती भव्य रुपमा मनाइयो, सेनाद्वारा विशेष कार्यक्रम
332
Shares
काठमाडौं, २७ पौष । राष्ट्रनिर्माता पृथ्वीनारायण शाहको ३०३ औं जयन्ती तथा राष्ट्रिय एकता दिवस भव्य रुपमा मनाइएको छ । पृथ्वी जयन्तीका रुपमा सर्वसाधारण, राजनीतिक दल, संघसंस्था तथा नेपाली सेनाले विविध कार्यक्रम गरी मनाएका छन् ।
नेपाली सेनाले जँगी अड्डामा विशेष कार्यक्रम आयोजना गरेको छ । सेनाले २१ पौषमा गोरखा काठमाडौं एकीकरण मार्ग पदयात्रा कार्यक्रम सुरु गरी आज सम्पन्न गरेको छ । गोरखा, धादिङ, नुवाकोट हुँदै काठमाडौंस्थित हनुमानढोका सम्मको पदयात्रा सकिएको हो ।
राष्ट्रिय प्रजातन्त्र पार्टीले राजधानीमा चीयापान गरेको छ । सर्वसाधारण तथा संघसंस्थाले स्वः स्फूर्त पृथ्वी जयन्तीमा सिंहदरबार अगाडिको शालिकमा पुगेर बाँजागाँजासहित फूलमाला अर्पण गरेका छन् ।