ओली र वर्षमानबीच चर्काचर्की
![](https://nepalipen.com/wp-content/uploads/2024/07/barsaman-pun.jpg)
काठमाडौं, ७ साउन । प्रधानमन्त्री केपी शर्मा ओली र नेकपा माओवादी केन्द्रका नेता वर्षमान पुनबीच संसदमा चर्काचर्की भएको छ । प्रतिनिधि सभामा सांसदहरुको प्रश्नको जवाफ दिने क्रममा ओलीले विषयान्तर गरेर बोलेको भन्दै पुनले नियमापत्ती गरेका थिए ।
वर्षमानले प्रश्नको उत्तर दिएको कि अरुलाई गाली गरेको भनी बोलेपछि सभामुख देवराज घिमिरेले उत्तर दिन नै भन्ने बताएका थिए । त्यसपछि ओलीले उत्तर नै दिएको जवाफ दिए ।
पुन उठेर बोलेपछि एमालेका सचेतक महेश बर्तौला पनि उठेका थिए । संसदमा केही समय गर्मागर्मी बहस चलेको थियो ।