सन्दीप लामिछानेविनाको नेपाली टोली विश्वकपमा पराजित
2.7k
Shares
काठमाडौं, २३ जेठ । टी ट्वान्टी विश्वकप क्रिकेटमा नेपाली टोलीले नेदरल्याड्ससँगको पहिलो खेल हारेको छ । नेपाली टोलीलाई दर्शकको ठूलो साथ रहेपनि ब्याट्सम्यान र बलरहरु दुवै राम्ररी चल्न सकेनन् ।
नेपालले सुरुवाती ब्याटिङ गरी १ सय ६ रन बनाएको थियो । जवाफमा ८ बल बाँकी रहँदै नेदरल्याड्सले लक्ष्य भेट्यो ।
नेपाली बलरहरुले बलियो प्रदर्शन गर्ने प्रयास गरेपनि सफल भएनन् । नेपाली टोलीका स्टार बलर सन्दीप लामिछानेको अभाव टड्कारो देखियो ।
सन्दीपलाई अमेरिकाले भीसा रोकेको हो । बलात्कारको आरोपमा उच्च अदालतबाट सफाई पाएपनि अमेरिकाले धेरै प्रयासका बाबजुद भीसा रोक्यो ।
नेपालका कतिपय एनजीओ र अधिकारवादीहरु सन्दीपलाई भीसा रोक्न हात धोएर लागे । यसले पनि असर गरेको बुझिएको छ ।
