कतारले जित्यो एशिएन कप (भिडियोसहित)
747
Shares
एजेन्सी, २८ माघ । कतारले एशिएन कप फुटबलको उपाधि जितेको छ । शनिबार राति भएको खेलमा जोर्डनलाई ३-१ ले पराजित गर्दै कतारले उपाधि जितेको हो ।
कतार लगातार एशियन कप दुईपटक जित्ने देश समेत भएको छ । कतारका जीतमा अक्रम अफिफले पेनाल्टीमार्फत् ह्याट्रिक गरेका थिए । उनी प्रतियोगिताका सबैभन्दा मूल्यवान खेलाडी समेत बने । उनले ८ गोल गर्दै सर्वाधिक गोलकर्ताको पुरस्कार समेत पाए ।
खेलको पहिलो हाफमा कतारले अग्रता लिएपनि जोर्डनले ६७ मिनेटमा बराबरी गोल गरेको थियो । तर, ७३ मिनेट र इन्जुरी समयमा अफिफले गोल थपेपछि कतारले जित सुनिश्चित बनायो ।
