भगवान पशुपतिनाथको पवित्र भूमिका ‘माननीय’ भन्दै नेपालका सांसदहरुलाई योगी आदित्यनाथले यसरी गरे स्वागत
2k
Shares
काठमाडौं, २३ माघ । भारत भ्रमणमा रहेको सांसदहरुको टोलीले उत्तर प्रदेशका मुख्यमन्त्री योगी आदित्यनाथसँग भेटवार्ता गरेका छन् । मंगलबार योगीको लखनऊस्थित कार्यकक्षमा भेट भएको हो ।
योगीले भेटबारे ट्वीट गर्दै जानकारी गराएका छन् । उनले नेपाललाई भगवान पशुपतिनाथको पावन भूमि भन्दै खुशी समेत व्यक्त गरे ।
योगीलाई सांसदको टोलीले पशुपतिनाथको प्रसादका रुपमा रुद्राक्षको माला समेत लगाइदिएका थिए ।
गोरखपुरनाथका मठाधीश समेत रहेका योगीको पशुपतिनाथप्रति अगाध आस्था छ । उनी मुख्यमन्त्री हुनुअघि पशुपतिनाथको दर्शन गर्न आइरहन्थे ।
संसदको अन्तर्राष्ट्रिय समितिका सभापति राजकिशोर यादवसहितको टोली भारत भ्रमणमा छ । उनीहरुले भारतका प्रभावशाली नेता देखि उच्च अधिकारीसँग भेट गरिसकेका छन् ।
