जाजरकोट केन्द्रबिन्दुको भूकम्पमा परी ठूलो जनधनको क्षति
0
Shares
काठमाडौं, १८ कात्तिक । गएराति जाजरकोट केन्द्रबिन्दु बनाएर गएको भूकम्पमा परी ठूलो जनधनको क्षति भएको छ । भूकम्पमा परी अहिलेसम्म ६० भन्दा बढीको मृत्यु भएको खबर प्राप्त भएको छ ।
६.४ म्याग्निच्युडको भूकम्पमा परी नलगाड नगरपालिकाकी उपमेयर सरिता सिंहको निधन भएको छ । उनी बसेको खलंगास्थित घर भत्किएको थियो ।
रातको ११ बजेर ३९ मिनेटमा भूकम्प गएकाले ठूलो मानवीय क्षति भएको छ । भूकम्पले पहिरो जानुका साथै सञ्चार सम्बन्ध समेत बिच्छेद भएको छ ।
पछिल्लो समय पश्चिम नेपालमा धेरै भूकम्प गइरहेको छ । त्यस्ता भूकम्पको धक्का भारतको नयाँ दिल्लीमा समेत महशुश गरिएको छ ।
