सबै काण्ड सामसुम
![](https://nepalipen.com/wp-content/uploads/2023/07/prachanda-oli-and-deuba1.jpg)
काठमाडौं, ७ भाद्र । भ्रष्टाचार र अपराधका ठूला ठूला काण्ड खोतल्दै जाँदा सरकारले लोकप्रीयता हासिल गरेको थियो । देशमा पहुँच र प्रभाव बनाएका धेरै व्यक्ति पक्राउ पनि परेका थिए । तर, लहरो तान्दा पहरो गर्जिएपछि घटनाहरु सामसुम पार्न थालिएको छ ।
सुन काण्डमा उच्चस्तरीय छानबिन समिति गठन गर्ने सहमति पछि एमालेले संसद चल्न दिएको छ । तर, यो काण्डमा प्रभावशाली नेताहरुलाई बचाउने चलखेल भइसकेको छ ।
ललिता निवास प्रकरणमा पूर्वप्रधानमन्त्रीहरु माधवकुमार नेपाल र डा. बाबुराम भट्टराईलाई उन्मुक्ति दिने खेल भइसकेको छ । चन्द्रदेव जोशी जस्ता पदमा मात्र बसेका तर केही नपाएकाहरुमाथि मुद्या दर्ता हुने भएको छ ।
संसद चलेपछि संसदीय समितिको निर्वाचन पनि हुने भएको छ । समितिको चुनाव गर्ने गरी नेताहरुले भित्री सहमति बनाएका छन् । लामो समयसम्म संसदीय समितको चुनाव हुन सकेको थिएन ।
सबै कुरा सामसुम पारेर अहिले मुख्य दलका शीर्ष नेताले सहमतिको राजनीतिको सिन्डिकेट पुनः सुचारु गरेका छन् । अब देश फेरि केही नेताको सहमतिको राजनीतिका नाममा चल्ने देखिएको छ ।-File Photo