चन्द्रमाको दक्षिणी ध्रुवमा यान अवतरण गराउने रुसी प्रयास विफल, भारतको यान अवतरणको दिशातर्फ
एजेन्सी, ३ भाद्र । चन्द्रमाको दक्षिणी ध्रुवमा यानको सफल अवतरण गराउने रुसी प्रयास विफल भएको छ । सोमवार रुसी यान अवतरण गर्ने तयारीमा रहँदा सम्पर्कविहिन भएको छ ।
रुसी यान चन्द्रमाको शतहमा खसेर दुर्घटना भएको जनाइएको छ । रुसी अन्तरीक्ष अध्ययन केन्द्र रोस्मोकोसले लुना २५ यान अनियन्त्रित भई दुर्घटनामा परेको जनाएको छ । सोभियत संघको विघटनपछि रुसले पहिलोपटक चन्द्रमामा यान पठाएको हो ।
रुसी यान भारतको चन्द्रयान ३ भन्दा दुई दिन पहिला अवतरण गर्ने तयारीमा थियो । अब भारत चन्द्रमामा सफल अवतरणको प्रयासमा छ । भारतको यान बुधवार साँझ सफल अवतरण गर्ने योजनामा बढिरहेको छ ।
सफल अवतरण गरे भारत चन्द्रमाको दक्षिणी ध्रुवमा सफल अवतरण गर्ने पहिलो देश बन्नेछ । चन्दमामा सोभियत संघ, अमेरिका र चीनपछि यान अवतरण गराउने भारत चौंथो देश बन्नेछ ।
दक्षिणी ध्रुवमा पानीको सम्भावना देखिएको छ । त्यहाँ जीवनको सम्भावना देखेर भारत र रुसले चासो देखाएका हुन् ।