मलेसियामाथि नेपालको शानदार जित
![](https://nepalipen.com/wp-content/uploads/2023/05/t-20-women.jpg)
काठमाडौं । दोस्रो महिला टी–ट्वान्टी अन्तर्राष्ट्रिय खेलमा नेपालले मलेसियामाथि शानदार जित निकालेको छ ।
नेपालले घरेलु टोली मलेसियालाई ७ विकेटले पराजित गरेको हो । यस जितसँगै नेपालले पाँच टी–ट्वान्टी अन्तर्राष्ट्रिय खेलको सिरिजमा १–१ को बराबरी गर्न सफल भएको हो ।
मलेसियाले दिएको ९७ रनको लक्ष्य नेपालले १७ ओभर ३ बलमा ३ विकेट गुमाउँदै पूरा गर्यो ।
नेपालको जितमा कप्तान रुविना क्षेत्रीले २९ रनको योगदान दिइन् । साथै, कविता कुँवरले २६ तथा सीता रानामगरले २३ रन बनाए ।
मलेसियाकी ऐश्या एलिसा, निक नुर र विनीफ्रन्ड आनीले समान १/१ विकेट लिए ।
त्यसअघि टस जितेर पहिला ब्याटिङ गरेको मलेसियाले निर्धारित २० ओभरमा ५ विकेट गुमाउँदै ९६ रन बनाएको थियो ।
नेपालको लागि कप्तान रुविना क्षेत्रीले २ तथा इन्दु बर्मा र कविता कुँवरले समान १/१ विकेट लिए ।
नेपालले जेठ १८ मा तेस्रो खेल खेल्नेछ ।