उपराष्ट्रपति यादवलाई डेंगु संक्रमण
0
Shares
काठमाडौं, २४ असोज । उपराष्ट्रपति रामसहायप्रसाद यादवलाई डेंगु संक्रमण भएको छ । उनलाई साँझ बानेश्वरस्थित सिभिल अस्पताल भर्ना गरिएको छ ।
उपराष्ट्रपति यादवका निजी चिकित्सक डा. शिवजी विक्रम सिलवालका अनुसार स्वास्थ्यमा समस्या आएपछि डेंगु चेकजाँच भएको थियो । तीन दिनयता उपराष्ट्रपतिको स्वास्थयमा समस्या आएको छ । उनलाई आइतबार वीर अस्पतालमा चेकजाँच गरिएको थियो ।
उपराष्ट्रपति यादवको उपचारमा सिभिल अस्पतालका डा. विदेश बिष्टसहितको टोली सक्रिय छ । निजी चिकित्सक डा. सिलवाल पनि खटिएका छन् ।
यसैगरी, राष्ट्रपति रामचन्द्र पौडेलले यादवको स्वास्थ्य अवस्थाबारे जानकारी लिएका छन् । उनले स्वास्थ्यलाभको कामना समेत गरेका छन् ।