काठमाडौंका विद्यालयमा राजनीतिक कार्यक्रम गर्न रोक
83
Shares
काठमाडौं, १४ वैशाख । काठमाडौं महानगरभित्रका विद्यालयहरुमा राजनीतिक कार्यक्रम गर्न नपाइने भएको छ । काठमाडौं महानगरपालिकाले विद्यायलभित्र राजनीतिक कार्यक्रमहरु गर्न प्रतिबन्ध लगाएको हो ।
बुधबार एक सूचना जारी गर्दै महानगरले सबै विद्यालयमा परिपत्र जारी गरेको समेत जनाएको छ । केही विद्यालयमा राजनीतिक दल र तिनका भातृ संगठनहरुले कार्यक्रमहरु गरेको प्रमाणसहित उजुरी आएपछि यस्तो निर्णय गरेको महानगरको भनाइ छ ।
‘अब उपरान्त कुनै पनि राजनैतिक दल र यसका भातृ संस्थाहरुका कार्यक्रम विद्यालयभित्र गर्न नदिन सूचित गरिन्छ । अनुगमनका क्रममा यस प्रकारका कार्यक्रम संचालन गरेको भेटिएमा वा प्रमाण पुगेमा प्रधानध्यापकलाई विभागीय कारबाही हुने समेत जानकारी गराइन्छ ।’–महानगरले पत्रमा भनेको छ ।