सुनको मुल्य इनिहासकै उच्च,कतिमा होला कारोबार ?

काठमाडौं, १३ भदौ। नेपाली बजारमा आज सुनको मूल्यले नयाँ रेकर्ड बनाएको छ । यसअघि साउन २३ गते बनेको रेकर्ड तीन सातामै तोडिएको हो ।
नेपाल सुनचाँदी व्यवसायी महासंघको अनुसार आज सुन प्रतितोला २ लाख ६ सय रुपैयाँमा कारोबार भइरहेको छ । यो मूल्य हालसम्मकै उच्च हो । विहिबारको तुलनामा आज प्रतितोला १२ सय रुपैयाँले सुनको भाउ बढेको हो ।
यसअघि साउन २३ गते १ लाख ९९ हजार ४ सय रुपैयाँको रेकर्ड कायम भएको थियो ।
त्यस्तै,शुत्रबार चाँदी प्रतितोला ५ रुपैयाँ बढेको छ । बिहीबार २३ सय ५५ रुपैयाँमा कारोबार भएको थियो भने चाँदी आज २३ सय ६० रुपैयाँ पुगेको महासंघले जनाएको छ ।