एनआरएनएको परिचय बदल्ने अभियानमा अभिषेक उप्रेती
काठमाडौं,६ साउन । सबै नेपालीको लागि वास्तविक सहाराु क्यान्बेरा, अष्ट्रेलिया – अष्ट्रेलियन क्यापिटल टेरिटरी (एसीटी) मा रहेका नेपाली समुदायका लागि गैर-आवासीय नेपाली संघ (एनआरएनए) लाई केवल एक ‘पहिचानु भन्दा बढी, ‘वास्तविक सहयोग प्रणाली’ को रूपमा स्थापित गर्ने प्रणका साथ अभिषेक उप्रेतीले एसीटी एससीसी संयोजकको लागि आफ्नो उम्मेदवारी घोषणा गरेका छन्। उप्रेतीले विद्यार्थीदेखि ज्येष्ठ नागरिकसम्म, रोजगारी खोज्नेदेखि उद्यमीसम्म, एसीटी र वरपरका क्षेत्रमा बसोबास गर्ने प्रत्येक नेपालीको हितमा काम गर्ने दृढता व्यक्त गरेका छन्।
नेतृत्वलाई ‘शक्ति’ भन्दा ‘जिम्मेवारी’ ठान्ने उप्रेतीको परिकल्पना र एजेन्डा ‘IIE – जानकारी दिने , आमन्त्रण गर्ने , र संलग्न गराउने – मा केन्द्रित छ। उनले समुदायको हितका लागि निम्न पहलहरूलाई कार्यान्वयन गर्न सबैलाई एकजुट हुन आह्वान गरेका छन् ।
उप्रेतीका प्रमुख पहलहरू र कार्यसूची :
सांस्कृतिक मेला र नेटवर्किङ कार्यक्रमस् नेपाली परम्परा, संस्कृति र विश्वासलाई झल्काउने मेला तथा विभिन्न क्षेत्रका विज्ञहरूसँग नेटवर्किङ रात्रिहरूको आयोजना गरिने।
सबैका लागि निःशुल्क सदस्यतास् एनआरएनएको सदस्यतालाई सबै नेपालीका लागि निःशुल्क बनाउने पहल गरिने।
नेपाली गेमिङ संस्थाहरूलाई एनआरएनएको छातामुनिस् एसीटीमा रहेका सबै नेपाली गेमिङ संस्थाहरूलाई एनआरएनएको छातामुनि ल्याउन प्रयास गरिने।
नेपाली दूतावाससँग समन्वयस् सान्दर्भिक मुद्दाहरूमा नेपाली दूतावाससँग निरन्तर समन्वय र सहकार्य गरिने।
समावेशी समुदायको निर्माणस् क्यानबेरा, जेरार्बोम्बेरा, गुगंग र एसीटीका सबै समूहहरूलाई समेटेर समावेशी समुदाय निर्माणको पहल गरिने।
अभिभावकहरूलाई अष्ट्रेलियाली संस्कृति र नियमबारे जानकारीस् नेपालबाट भ्रमणमा आउने अभिभावकहरूलाई अष्ट्रेलियाली संस्कृति र सम्बन्धित नियम कानुनबारे शिक्षित गराइने।
अष्ट्रेलियामा जन्मेका नेपाली समुदायका लागि बलियो मञ्चस् नेपाली विद्यालय, सांस्कृतिक कार्यक्रम, खेलकुद आदिको माध्यमबाट अष्ट्रेलियामा जन्मेका नेपालीहरूका लागि बलियो मञ्च स्थापना गरिने।
सक्रिय कार्यदलमा जोडस् समुदायको हितका लागि सक्रिय र सशक्त कार्यदल निर्माणमा जोड दिइने।
अन्य नेपाली समुदायसँग सहकार्यस् एसीटीमा रहेका अन्य नेपाली समुदायका संस्थाहरूसँग समन्वय र सहकार्य गरिने।
सीप विकास र रोजगारीका अवसरहरू
सीप विकास कार्यशाला र एनआरएनए रोजगार कनेक्टस् नेतृत्व विकास, सार्वजनिक भाषण कला, डिजिटल सीप, बायोडाटा लेखन जस्ता व्यावहारिक कार्यशालाहरू आयोजना गरी आत्मविश्वास र करियर सीपहरू बढाउन सहयोग गरिने। रोजगार मेलाहरूको आयोजना गरिने।
उद्यमीहरूका लागि सहयोगस् महत्वाकांक्षी उद्यमीहरू र साना व्यवसायका मालिकहरूका लागि विशेष तालिम र नेटवर्किङ कार्यक्रमहरू सञ्चालन गरिने। व्यापारिक विचार कार्यशाला, अनुदान आवेदनमा मद्दत र समुदायमा आधारित स्टार्टअप समर्थन प्रदान गरिनेछ। एसीटीमा नेपाली स्वामित्वका व्यवसायहरूलाई बढावा दिन सहयोग गरिने।
सचेतना कार्यक्रमहरू
मानसिक स्वास्थ्य- मानसिक स्वास्थ्य सम्बन्धी सचेतना र सहयोग कार्यक्रमहरू सञ्चालन गरिने।
जुवाको समस्या- जुवाको लत र यसका नकारात्मक असरबारे सचेतना कार्यक्रमहरू सञ्चालन गरिने।
सामाजिक अन्याय- सामाजिक अन्यायका विरुद्ध आवाज उठाउने र सचेतना फैलाउने कार्यक्रमहरू सञ्चालन गरिने।
घरेलु हिंसा- घरेलु हिंसा विरुद्ध सचेतना र पीडितहरूलाई सहयोग पुर्याउने कार्यक्रमहरू सञ्चालन गरिने।
उप्रेतीले एनआरएनएलाई स्वस्थ र पारदर्शी बनाउने प्रतिबद्धता पनि व्यक्त गरेका छन्। उनले समुदायका सबै सदस्यहरूलाई आफ्नो भिजन साकार पार्न र एसीटीमा नेपाली समुदायलाई थप बलियो, सहयोगी र एकताबद्ध बनाउन आफ्नो अभियानमा जोडिन आग्रह गरेका छन्।