म्याक्सले बनाए महालक्ष्मी नगरपालिकालाई बक्सिङमय, माघ ५ मा विष्णुडोल बक्सिङ कप
काठमाडौं, २९ पौष । बक्सिङका पूर्व राष्ट्रिय खेलाडी म्याक्स बी अहिले प्रतिभा खोज्दै बक्सिङका होनहार खेलाडी बनाउन सक्रिय छन् । उनको पहलमा महालक्ष्मी नगरपालिका वडा नं ८ को विष्णुडोलमा बक्सिङ नियमित अभ्यास चलिरहेको छ ।
एक वर्षयता विष्णुडोलमा बक्सिङको अभ्यास गराएर म्याक्सले होनहार युवा खेलाडी बनाइसकेका छन् । उनको पहलमा यस क्षेत्रमा बक्सिङ प्रतियोगिता पनि हुँदै आएका छन् ।
५ माघमा म्याक्सले विष्णुडोल बक्सिङ कप गराउँदैछन् । उक्त प्रतियोगितामा विभिन्न तौल समूहमा खेलाडीहरुबीच प्रतिष्पर्धा हुनेछ । बक्सिङ प्रतियोगिताका लागि रिङ पनि तयार छ ।
बक्सिङमा प्रयोजकहरु पनि आउन थालेका छन् । म्याक्सले यो प्रतियोगिताले बक्सिङको विकासमा नयाँ माहोल तयार हुने आशा व्यक्त गरे । उनले विष्णुडोलमा बक्सिङको अभ्यास चलेयता होनहार खेलाडीहरु बन्न थालेको बताए ।
विष्णुडोलमा दैनिक ५० भन्दा बढी खेलाडीले नियमित अभ्यास गर्दछन् । अहिले विष्णुडोल र वरपरका क्षेत्रलाई म्याक्सले बक्सिङमय बनाएका छन् ।