जनकपुरलाई एनपीएल क्रिकेटको उपाधि
काठमाडौं, ६ पौष । नेपाल प्रिमियर लिग क्रिकेटको उपाधि जनकपुर बोल्ट्सले जितेको छ । सुदूरपश्चिम रोयल्सलाई ५ विकेटले पराजित गर्दै जनकपुरले उपाधि चुमेको हो ।
जनकपुरले जितसँगै १ करोड १० लाख पुरस्कार जितेको छ । जनकपुरले सुदूरपश्चिमको १ सय ८५ रनको लक्ष्य ४ बल बाँकी छँदै ५ विकेटको क्षतिमा पूरा गर्न सक्यो ।
सुदूरपश्चिमले ५१ लाख रुपैयाँ जितेको छ । तेस्रो स्थानको कर्णाली याक्सले २५ लाख, चौंथो भएको चितवन राइनोजले १५ लाख रुपैयाँ प्राप्त गरेको छ ।
एनपीएल लिग यसपटक निकै चर्चामा रह्यो । फाइनल हेर्न हजारौं संख्यामा दर्शकहरु मैदानमा पुगेका थिए ।
लिगमा लुम्बिनीले फेयर प्ले अवार्ड जितेको छ । जनकपुरका लाहिरु मिलन्थाले प्लेअर अफ द म्याचको उपाधि जितेका छन् । उनले ५० हजार रुपैयाँ पाए । क्याच अफ द म्याचको उपाधि शेर मल्लले पाए । हेमन्त धामीले एनर्जेटिक मुमेन्ट अफ म्याचको उपाधि जिते ।