भारतका सेनापति उपेन्द्र द्विवेदी जङ्गी अड्डा पुग्दा…
830
Shares
काठमाडौं, ६ मंसिर । भारतका स्थल सेनाध्यक्ष जनरल उपेन्द्र द्विवेदी नेपाल भ्रमणमा छन् । बुधबार काठमाडौं आइपुगेका उनी बिहिबार विहानै जङ्गी अड्डा पुगे । त्यहाँ उनले नेपाली सेनाबाट सम्मान गारद ग्रहण गरे । जनरल द्विवेदीले जङ्गी अड्डाको नीरिक्षण पनि गरे ।
जनरल द्विवेदीले आजै राष्ट्रपति रामचन्द्र पौडेलबाट नेपाली सेनाको महारथीको दर्जा लिने कार्यक्रम पनि रहेको छ । उनी धर्मपत्नी सुनिता द्विवेदीका साथ नेपाल भ्रमणमा छन् ।
बुधबार त्रिभुवन विमानस्थलमा जनरल द्विवेदीलाई नेपाली सेनाका उपरथी प्रेमध्वज अधिकारीले स्वागत गरेका थिए । उनी नेपाली सेनाका प्रधानसेनापति अशोक राज सिग्देलको औपचारिक निमन्त्रणमा पाँच दिवसीय नेपाल भ्रमणका लागि आएका हुन् ।