सरकारलाई दबाब दिन नेपाल महिला संघको भोलि बृहत विरोध र्याली
913
Shares
काठमाडौं,३१ वैशाख । नेपाली कांग्रेसको भातृ संगठन नेपाल महिला संघले भोलि बृहत विरोध र्यालीको आयोजना गरेको छ । सहकारी ठगी प्रकरणमा जोडिएकाहरुलाई छानबिनको दायरामा ल्याउन सरकारलाई दबाब सिर्जना गर्न र्यालीको आयोजना गरेको संघकी अध्यक्ष उषा मिश्रले बताइन् ।
संघले मंगलबार दिउँसो साढे १ बजे शान्तिबाटिका रत्नपार्कमा विरोध र्यालीको आयोजना गरेको हो ।
सहकारी वचतकर्ताहरुको बचत फिर्ता गराउन,सहकारीको समस्यालाई दिगो रुपमा समाधान गर्न र सहकारीको रकम दुरुपयोग गरि अपचलन गर्ने सहकारी ठगहरुलाई छानबिनको दायरामा ल्याई कानुनी कारबाही गर्न सरकारलाई दबाब सिर्जना गर्नका लागि विरोध कार्यक्रमको आयोजना गरेको संघले जनाएको छ ।
