चन्द्रमामा गुड्न थाल्यो भारतको रोबर प्रग्यान
![](https://nepalipen.com/wp-content/uploads/2023/08/chandrayan-3-india.jpg)
एजेन्सी, ७ भाद्र । चन्द्रमामा अवतरण भएको भारतको यानबाट रोबर निस्किएर गुड्न थालेको छ । चन्द्रयान ३ मा जडित रोबर प्रग्यान गुड्न थालेको भारतीय अन्तरीक्ष अध्ययन संस्था इसरोले ट्वीटमार्फत् जानकारी दिएको छ ।
भारतको यानबाट प्रग्यान रोबर निस्किएको खबर विहान प्राप्त भएको छ । रोबटले चन्द्रमाको सतहको अध्ययन गर्ने जनाइएको छ ।
अबको १५ दिन रोबर प्रग्यान गुड्ने र अध्ययन गर्ने तय छ । चन्द्रमाको नमूनाहरु निकालेर परीक्षणका लागि ल्याउने तयारी समेत भएको छ ।
भारतले पहिलोपटक चन्द्रमामा बुधवार यान अवतरण गरेको हो । चन्द्रमामा यान अवतरण गराउने भारत चौंथो देश बनेको छ । दक्षिणी ध्रुवमा यान पठाउने भारत पहिलो देश बनेको छ ।