किन दिल्ली पुगे सीके राउत
0
Shares
काठमाडौं, १३ जेठ । प्रधानमन्त्री पुष्पकमल दाहाल प्रचण्डको भारत भ्रमण घोषणा भएकै दिन जनमत पार्टीका अध्यक्ष सीके राउत दिल्ली पुगेका छन् । उनले पुगेकै दिन भारतीय जनता पार्टीका विदेश विभाग प्रमुख विजय चौथाइवालेसँग भेटवार्ता गरेका छन् ।
राउत दिल्ली पुग्नुले महत्वपूर्ण संकेत गरेको छ । उनको दल गत महिना मात्र सरकारबाट बाहिरिएको थियो ।
जनमत पार्टीका प्रवक्ता वीपी साहले राउत केही दिन भारतमै रहेर राजनीतिक भेट गर्ने जानकारी दिए । राउत शनिवार विहान दिल्ली पुगेका थिए ।
राउतले मधेशको मुद्दाबारे भारतका नेताहरुसँग छलफल गरेको जानकारी प्राप्त भएको छ ।
संसदमा जनमत पार्टीबाट ६ सांसद छन् । मधेशमा जनमतले आफ्नो प्रभाव बलियो बनाएको छ ।