प्रधान सेनापति सिग्देललाई भारतीय सेनाको मानार्थ महारथीको दर्जा
664
Shares
काठमाडौं, २७ मंसिर । प्रधान सेनापति अशोकराज सिग्देलले भारतीय सेनाको मानार्थ महारथी दर्जाको दज्र्यानी चिन्ह प्राप्त गरेका छन् । उनलाई बिहिबार नयाँ दिल्लीस्थित राष्ट्रपतिको कार्यालयमा भारतकी राष्ट्रपति द्रौपदी मुर्मुले उक्त दज्र्यानी प्रदान गरेकी हुन् ।
भारत भ्रमणमा रहेका प्रधान सेनापति सिग्देलले बिहिबार नै भारतका रक्षामन्त्री राजनाथ सिंहसँग भेटघाट गरेका छन् ।
नेपाल र भारतबीच अनुपम सैनिक सम्बन्ध रहेको छ । जस अन्तर्गत भारतीय सेनाको मानार्थ महारथी तथा भारतीय स्थल सेनाध्यक्षलाई नेपाली सेनाको मानार्थ महारथीको दर्जा प्रदान गर्ने विशिष्ट परम्परा रहेको छ ।