भाजपा नेता कोशियारी राजनीतिक भेटमा
415
Shares
काठमाडौं, २६ वैशाख । भारतीय जनता पार्टीका नेता भगतसिंह कोशियारी राजनीतिमा भेटमा व्यस्त छन् । उनले बिहिबार राष्ट्रपति रामचन्द्र पौडेल, प्रधानमन्त्री केपी शर्मा ओली, गृहमन्त्री रमेश लेखक र माओवादी अध्यक्ष प्रचण्डसँग भेटेका छन् ।
कोशियारीले सबै भेटमा दुई देशको सम्बन्धका बारे कुराकानी गरेको बताइएको छ । कोशियारीले शुक्रबार उपप्रधानमन्त्री प्रकाशमान सिंहलाई भेटेका छन् । उनले काँग्रेस सभापति शेरबहादुर देउवालाई भेट्ने तय छ ।
बिहिबार कोशियारीले विहानै पशुपतिनाथको दर्शन गरेका थिए । उनी धार्मिक कार्यक्रममा सहभागी भएर शनिबार भारत फर्कने भएका छन् ।
नेपालबारे जानकार कोशियारी यहाँका नेताहरुसँग निकै परिचित छन् । उनले नेपाल र भारतबीचको सम्बन्ध सुदृढ बनाउन महत्वपूर्ण भूमिका निभाउँदै आएका छन् ।
