तीनकुने हिंसामा को दोषी
काठमाडौं, २२ चैत्र । राजावादीको आन्दोलनका क्रममा तीनकुनेमा १५ चैत्रमा भएको हिंसाबारे टिकाटिप्पणी चलिरहेको छ । पत्रकार सुरेश रजक र अर्का आन्दोलनकारी गरी दुईजनाको ज्यान जानुका साथै दर्जनौं घाइते भएको घटनामा ठूलो जनधनको क्षति भयो ।
तीनकुने घटनामा दुगाई प्रसाईँले उदण्डता देखाएर गाडी चलाएका थिए । तर, सुरक्षाकर्मीले पनि अश्रुग्याँस र गोली प्रहार गरी स्थितिलाई अराजक बनाएका थिए ।
लुटपाट समेत भएको घटनामा सुरक्षाकर्मीले घरको छतमा पुगेर अश्रु ग्याँस हानेको देखि सादा पोशाकमा पसेर अराजकता देखाएको विषय पनि आइरहेका छन् । यसलाई लिएर सरकारमाथि गम्भीर प्रश्न उठेका छन् ।
सरकारले राजावादीलाई समातेर थुनिरहेको छ । जसमध्ये राप्रपा नेताहरु धबलशमशेर राणा र रवीन्द्र मिश्र पनि छन् ।
काँग्रेस सांसद सुनिल शर्माले घटनाको जिम्मेवारी सरकारले लिनुपर्ने भनी बोलेका छन् । विस्तारै सत्तापक्षबाट पनि यो घटनाबारे प्रश्न उठ्न थालेका छन् ।
तीनकुने हिंसामा केही प्रदर्शनकारी र कमाण्डर दुर्गा प्रसाईँ स्वयंले अराजकता देखाएका हुन् । तर, सरकार पनि उत्तिकै जिम्मेवार छ ।